الحق نفسك وأولادك التعليم بعد عشر سنوات رؤية وتوقع

من مراجعة مناهج اولي ابتدائي
كلمات وجمل وصوتيات ومعادلات
فأنا أري أن المناهج صعبة جدا
وبالتالي لن يتخطاها إلا من في أسرة متعلمة ومتفرغة او من لديه قدرة مالية علي الدروس الخصوصية
و مستقبل الطالب يتحدد بمتابعة الأهل ومعرفة مستواه الحقيقي وليس مجرد نجاحه من سنة لسنة
ليه ؟؟
جرت العادة أن ينتبه الأهل إذا رسب الطالب في مادة
ولأن الهدف تدمير التعليم فكان يجب تضيع اكبر وقت
وبناء عليه
تبقي الامتحانات حتي الصف الثالث
ومحدش يعرف مستوي ابنه خالص
توصل الصف الثالث مستحيل تطلع المدرسة فاشلة ولم ينجح أحد فتتظبط والنتيجة عشان المدرسة مش مستوي حقيقي
س/ امتحانات الشهادة خارج المدرسة والحقيقة تتكشف في الشهادة الابتدائية الصف السادس ؟
لا يا حبيبي ما هما لغوا الشهادة وبقت سنة نقل عادية داخل المدرسة يعني مننا فينا
س / خلاص الإعدادية هي المستوي الحقيقي ؟؟
معاك تلاقي ابنك مستواه زفت هتعمل ايه
متابعة ودروس وبرده صعب تلحقه
س/ والنتيجة في الثانوية ايه ؟
الربع يدخل ثانوي عام والثالث أربع اما صناعي او ترك التعليم
س/والنتيجة في الجامعة ايه ؟
تلغي التنسيق بحجة القبول بالقدرات والمقابلة الشخصية يبقي القمة للمحاسيب والباقي للشعب
س/ والهدف ؟
الأغلبية عمال وفنيين
والاقلية خريجي جامعة موظفين وإداريين القمة لاولاد الأكابر والباقي للعامة
س/ الخطر في ايه؟؟
التعليم الخاص يكسب والفلوس وذوي النفوذ
والغلبان ينسي غير أنه يبقي عامل
الطبقات المجتمعية هتبعد باشا و جربوع
س/ليه بيعملوا كده فينا ؟
1/كده خفف ميزانية التعليم
2/كده خرج عمال بكثرة تشتغل في اي حاجة بدون عبء علي الحكومة
3/وفر أماكن لاولاد الأكابر لأن الغلبان مقدرش يوصل
4/قلل الطبقة المثقفة اللي بتعارض
5/ وفر الوظائف بأولاد الأكابر خريجي الجامعة وكليات القمة
س / طيب احنا نعمل ايه ؟
نتابع ولادنا بدقة
أدي دروس
انسي المدرسة نتابع وتعلم
تقدر تودي خاص ودي
انا قلت مخاوف واتمني أكون مخطئ
اللهم بلغت اللهم فاشهد
معتز زغلول الشحات المحامي