مقترحات لمصر افضل ( لتعود ام الدنيا )

ارجو من شباب مصر وكبار مصر  وبخاصة ابناء السنانية ودمياط واهالي دائرة كفر سعد زكفر البطيخ المشاركة بالافكار التي تبني بلدنا
بعيدا عن العصبية والقبلية ولا اقصد اساءه عندما اقول وبعيدا عن الدين بمعني
ان نفكر في امور دنيانا كما امرنا الرسول الكريم عليه السلام
مثلا :-
انا بفكر اشجع الشباب والاطفال من الجنسين ( نلحقهم قبل الاحباط والياس وخلافه ) واقوم بتنظيم مسابقة علمية ( مش كورة ) ابتكارات وابحاث علمية ( مش قصص وروايات )
وان شاء الله
هعمل حوايز من مالي الخاص فقط
والشروط                                ( قررت التاجيل وسوف حدد الميعاد لاحقا نظرا لظروف البلد والثورة )    
1- ان يكون المشترك طالب قبل الجامعي ( ابتدائي ، اعدادي ، ثانوي )
2- ان يقدم المشترك ( بحث مكتوب او ابتكار عملي او اختراع خاص به او برنامج كمبيوتر مبتكر وهادف ) هذه امثلة وليست حصر يعني اي ابتكار خاص بالمشترك .
3- ان يقبل المشترك بالنتيجة دون اي اعتراض  ننصح بموافقة ولي الامر وتعتبر المشاركة موافقة بكل الشروط .
4- ان يجتاز اختبارات المشاركة ( يعني شرح لما قدمه اما لجنة مشكلة لذلك  مش ناقل افكار ( كالحمار يحمل اسفار ).
5- ان يرسل تعليق عن هذه الرسالة  متضمن ( الاسم  ، اسم المدرسة ، نوع ابتكاره ، تحديد وسيلة اتصال به )

علي  ان تقدم الابتكارات او الابحاث في ميعاد   ( قررت التاجيل وسوف حدد الميعاد لاحقا نظرا لظروف البلد والثورة )
وتكون ميعاد المناقشات في اغسطس 2011 وسنحدد اليوم لاحقا
والجوائز ان شاء الله
الاول 400جنيه
الثاني 300 جنيه
الثالث 200 جنيه
الرابع 100جنيه
  ( قررت التاجيل وسوف حدد الميعاد لاحقا نظرا لظروف البلد والثورة )
تسلم الابتكارات  ( جمهورية مصر العربية -محافظة دمياط - قرية السنانية - كوبري عبد المجيد - مكتب الاستاذ معتز زغلول الشحات المحامي  من الساعة 7 مساء وحتي 10 مساء عدا الخميس ت 0124284035

لمن لديه اقتراحات افضل نرحب بالمشاكة بتعليق

مفاجاة المعارضة في مصر وانتخابات مجلس الشعب ( اطالب ان يكون التعويض علي شخص المسئول وليس خزينة الدولة )

لقد كنت مرشح لمجلس الشعب 2010 ولكن لم اوفق 

وفعلا كان يوجد اخطاء وتجاوزات وبعض الاهمال 

ولكن الحق اقول 

ان المعارضة لم تكن معارضة وانما مستانثة 

بمعني انني لم الاحظ اي تغيير عن الدورات السابقة مجرد لافته باسم المرشح ( عادي )

لم اجد برنامج معلن لاحد المرشحين المعارضة وانما فلان رجل كويس وابن حلال 

انا ساقط ولكن اعترف انني ما زلت في اول الطريق والنجاح هدفي 

ولكن بمجرد اعلان النتيجة فوجئت بالاتي :

1- اكتشفوا فجاءة وجود تزوير وتلاعب بالاصوات .

2- تذكروا انهم شاهدوا وقائع تزوير لم تحقق 

3- اكتشف الجهابزة ان لجنة الفرز لم تفرز وانما جمعت ما فرزه الموظفين الغلابة وهذا لا يعد اشراف علي الفرز .

4- اتجهت كل الجهود الي القضاء الاداري قبل الفرز وبعده لرفع طعون بسبب ومن غير سبب ( ليه ) تمهيدا لبطلان اتلانتخابات ( ليه ) عشان التعويض .

الان وبعد مرور طل هذا الوقت 

اين المعارضة المصرية اين الاحزاب 

عارفين فين ( امام المحاكم لاخذ تعويض )

 انا كنت هروح معاهم بس حسبتها بعقلي الغلبان 

اولا :- نفترض ان فيه تزوير ( يعني ايه تزوير انتخابات ) يعني سرقة صوت الشعب وارادته واختياره 

يعني الشعب ظلم ( مجني عليه )

ثانيا :- نرفع التعويض علي مين ( علي المسئول ) يعني الحكومة بصفتهم مسئولين 

ونفترض الحمد لله صدر حكم بمليون جنيه ( نقبض منين ) من ميزانية الحكومة ( فلوس الشعب ) 

يعني الشعب يدفع ثمن سرقت صوته  ( مجني عليه يدفع اجرة اللي سرقوه )

هو الشعب ناقص 

حرااااام 

من الاخر واحد ياخد الكرسي والتاني ياخد تمن كرسي والشعب يحاسب للطرفين ( عل حساب صاخب المخل ههه)

المزورين  والمعارضة والكل بيسرق الشعب بس كل واحد ليه طريقة 

وكله بالقانون 

استرها يا رب

بجد انا زهت واعتقد كشفت حاجات تزعل ناس عارفه نفسها 

بجد افتكروني لو اخدوني

شكر لكل من اعطاني صوته

تم اعلان النتيجة كالاتي :-

لقد نجح السيد اللواء / رفعت الجميل مقعد فئات ( وطني ) 

ولقد حققت نصرا جزئيا 

حيث حققت مرتبة معقولة بين مرشح العضو الناصري ( اقل مني )

ومرشح الوفد ( اعلي مني )

اي انني مابين مرشيحين الحزبين وانا فرد مستقل لا املك الا حب ابناء الدائرة 

وشكرا لكل من اعطاني صوته 

وسوف نستمر علي طريق الخير والرقي لنا جميعا 

كيف تكون موظف وعضو مجلس الشعب اليس هناك تعارض

ان المرشح الدكتور يذيع انه عميد سابق        ماشي
ويذيع ان مستشار محافظ الدقهلية حاليا ( يعني ايه )
موظف في محافظة مجاورة لمنطقة كفر سعد
طيب  يعني جت عليه
فيه وزراء مرشحين لمجلس الشعب يعني يراقب نفسه ويحاسب نفسه ويشرع لصالح ...... الشعب طبعا  


** يا ناس ياريت حد يطمنا علي ( ابن جناب ...) سمعت انه بعافية شوية بعد مشوار المنازلة 

اسئلة تحتاج لاجوبة وسوف اسئلها ان شاء الله

في اي مكان تجد حاجات غريبة وتحير منها .
1- ليه اصبحنا نلاحظ في دمياط بصفة عامة ( ازمات الصدر للصغار والكبار )
2- ليه بنمشي في طريق اتجاه واحد ( يمكن مفيش فلوس نوسع ) بس ممكن نهد مدرسة عشان طريق راس البر يوسع !!!!؟؟
3- ليه مفروض في دمياط رسم مساهمة شعبية ( بقرار محافظ ) مش فيه ضرائب كفاية بقا
4- ليه مرور بورسعيد فترتين ومرور دمياط فترة واحدة .
5- ليه في مراكز الشرطة لا يخلي سبيل المقبوض عليه الا بعد تسجيله ( يعد يوم اتنين براحتهم ) مفيش قانون بكده ؟؟؟؟؟؟؟
6- ليه ندفع للاملاك الفلوس المفروضة علي ارض اصبحت للجهاز .
7- ليه منعملش نظام تشجيع الفلاح يعني ( زي الاصلاح زمان ) اللي يزرع ارض نملكها له ونفتح باب طلبات ( استكمال لارض الخريجين )
8- ليه كل حاجة نعملها في اي مصلحة يقولك هات مستخرج من كذا ولا كذا ( زي بطايق التموين يطلب مستخرج شهادة ميلاد )
مش في كمبيوتر وكل الورق عند الحكومة مش الحكومة عندها كل حاجة ولا ايه .
9- حتي مرشحين مجلس الشعب من ضمن الاوراق المطلوبة شهادة الميلاد للمرشح وابوه وكمان فيش ( فيش يقدم لمدير الامن طب ازاي )
10 - كمبيوتر الاحكام خاص بوزارة الداخلية ( مش المفروض ان الاحكام الجنائية علانية ) بس شاطرين تمسكوا المواطن الغلبان فجاءة وفي بعض الحالات تشابه اسماء . طيب خلوها زي فاتورة التليفون مفتوحة للكل حتي نعرف لو حد شاكينا ونتصالح معاه .
ولا حد خايف نعرف عنه حاجة ؟؟؟؟ برده ممكن يبقي فاتورة سرية زي فاتورة التليفون بالظبط !!
انا هبط بعدين نكمل 

من هؤلاء

 من المعروف ان المرشح لمجلس الشعب يجب ان يكون حسن السير والسلوك ويعتمد علي نفسه ( مثلي مثلا ) ولكن اكثر المرشحين انفاقا للدعاية :- 
1- ( الاسيوي ) متهم في محضر نصب 
2- ( العز ) اشبه بعز الوطني .
3- ( الكابتن ) ملك الفراخ واللحمة ويا رب يصرف  العيدية .
4- ( ابن جناب ...) تاعب نفسه والله في الطباعة .
بس علي فكرة الكابتن يمكن يكون فعلا مساعد ( مرشحين بلد ابن جناب ...) 
لان فيه اشاعات ان  ( م س ) كان الراجل بتاعه والموزع المعتمد 
وان ( ع م ) متفق علي مبلغ محترم  بس ايا كان انا مبسوط وفرحان في ( ابن جناب ) لانه معملش حاجة للبلد وخالف القانون اكثر من مرة منها 
( اشتري ونش وشغله في البترول 2005 وده ممنوع و استغلال منصب ) 
تعرفوا اليوم بكام ( اشتكوني ونحقق ونعرف سوا ولا بلاش سوا مع بعض احسن )
5- و( ع م ) كان موظف وكاتب انه عمل الطرق والكباري و...و .... و.... 
معلش افهم هو كان ايه ..... مجرد موظف وده دوره ولا كان بيصرف من جيبه ؟؟؟
لا ده كان بياخد مرتب وبعدين دي خطط عامة علي مستوى الجمهورية مش من عنده .


يا اخي احترم نفسك وعقولنا وبلاش استخفاف بالناس .

ضمانات عدم تزوير الانتخابات في مصر .

 الشعب 

بمعني انه علي سبيل المثال في دائرة كفر سعد - دمياط 

تقدم 42 مرشح عمال وفئات  ومن حق كل مرشح ان يكون له مندوب بكل لجنة 

و من ثم سيكون

1-  بكل لجنة خمسة علي اقل تقدير + الاهالي وانصار المرشحين خارج اللجان = 50فرد اجمالي علي اقل تقدير .

2- الاقبال المتوقع سيكون لا نظير له في تاريخ مصر ( عدد الناخبين بكفر سعد 22 الف صفحة اسماء = 220 الف صوت) في حين ان العضو السابق نجح بعدد 13 الف صوت يعني ما يقارب 0.1 من الاصوات .

ونظرا لكثرة اعداد المرشحين فان حشد الجماهير للادلاء باصواتهم يكون طفرة في تاريخ مصر 

3- انقسام مرشحين الحزب الواحد ( مثل دوائر الوطني المفتوحة ) والتي يعتمد فيها الحزب الحاكم علي دور الاعادة بين احد مرشحيه واخر 

يعني نقسم الجمهورية جزء نهتم بيه يوم 28/11/2010 

والجزء الاخر نهتم بيه اول ديسمبر 

واعتقد لو كان قيه تزوير كان حدد مرشحيه شخصيا ( الا اذا زور من سكات للي هو عوزه لحفظ ماء الوجه )  

والله يوفق من يصلح  

احلام مرشح غلبان

1. بحلم ننتخب بعقولنا مش ببطونا
2. بحلم ننتخب للمصلحة العامة مش لمصلحة شخصية
3. بحلم نروح كلنا ننتخب ونبطل سلبية
4. لان صوتك زي فلوسك لو تركتها تتضيع برده صوتك لو تركه هيضيع ( بس هيضيع البلد والمصلحة العامة معاه )
5. وافكركم ببرنامجي الانتخابي

البرنامج الانتخابي

للأستاذ / معتز زغلول الشحات بدوي غزي 

وعلي بركة الله

دائرة كفر سعد فئات مستقل 

الرؤية الشاملة........والحلول الكاملة         برنامج ممكن ........تنفيذه مؤكد

تهنئة لكل الحاضرين واتمنى من الله عز وجل ان اكون عند حسن ظنكم في .

ابدأ بنفسك

أنا  / معتز زغلول الشحات بدوي غزي من قرية أم الرضا القديمة وجذور عائلتي بكفر سعد البلد ومكتبي وإقامتي الحالية بالسنانية دائرة كفر سعد الانتخابية ومن عملي كمحامي لمست واقع الحياة لمعظم أهالي كفر سعد فلاحين وعمال ومثقفين ونجارين وتجار ورأيت ما جعلني أفكر لماذا هذا الوضع .  ولم ارضي بذلك الواقع فلسنا متسولين من احد فلان بياكل وفلان بيتبرع وفلان جالي الفرح والنتيجة الوضع الحالي .

بدل التبرع حاسب الميزانية ولو قليلة حاسب المسئول من سلطة مجلس الشعب ( رقابة ،محاسبة ، تشريع صحيح )وسالت نفسي  ممكن نغير للأفضل ؟ فقلت لنفسي بلاش يأس وابدأ بنفسك واعرض لكم  جزء بسيط من برنامجي الانتخابي وسوف يتحقق إن شاء الله  

( صوتك شرفك مش للبيع)

من أجل تعليم أفضل ومدارس أفضل.

الواقع يظهر أن هناك العديد من المدارس يحتويها مبنى واحد غير قادر على استيعاب مدرسة واحدة فقط منهم فماذا لو أصبحت ثلاثة كما هو الحال بمدرسة شطا العزبى الابتدائية بالسنانية على سبيل المثال لا الحصر.

من أجل التخفيف عن المواطن ومساعدته.

-      سيتم بمشيئة الله تسهيل التعامل مع كل الجهات الرسمية أيا كانت القانون علينا بس برده عليهم !!

-      تخصيص قناة لإذاعة مناقشات المجلس وأيضا مناقشات لجان المجلس لنعرف ما يحدث مثل معظم دول العالم .

-      تشكيل لجنة بكل قرية ومنطقة من أبنائها لعمل خطط مقترحة لتطوير القرية وتحسين المعيشة وإزالة العقبات.

من أجل صحة أفضل وخدمات تحفظ للإنسان كرامته.

هل تعلم أن العلاج على نفقة الدولة هو حق لكل مواطن يكفله لك الدستور والقانون وليس أداة فى يد النائب يهبها لمن يشاء ويمنعها عن من يشاء، بل يكمن دور نائب مجلس الشعب فى الرقابة والمحاسبية والتأكد من أن الخدمات تصل إلى مستحقيها سواء طرق،تعليم الخ.

من أجل محاربة الفساد والمفسدين.

قال تعالى: "إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ" _{سورة الرعد . الآية (11)}

من أجل مستقبل أفضل لنا ولأولادنا .

      خير بلدنا لازم يكون لولدنا ( مدن عمرانية جديدة – بترول – ميناء - ..... وغيرها)

              تسهيل تراخيص البناء والعمل علي منع ووقف هدم ما تم بناؤه وتوفيق الاوضاع قانونا .

مجلس الشعب يعنى( رقابة– محاسبة – تشريع صحيح )  

كل عام وانتم بخير

كل عام وانتم بخير

ونستكمل باقي اخبار الشائعات وفضائح المرشحين ؟

** ومنها ان المرشح ( ابن جناب ... ) تم منعه من دخول القرية المجاورة ( في النص ) حقهم اصله نسيهم من خمس سنين ؟؟؟؟

***

*** قام احد مرشحين المعدمين فئات ( بعد رمضان ) بالمرور مع بعض العيال امام صرادق فرح شقيقة - الناجح ان شاء الله تعالي

ومن قلة ذوقه نقط الميكرون وقبل ذلك -  الناجح ان شاء الله تعالي - بكل روح رياضية وكرم ضيافة الا ان احد العيال الي مع ابن المعدمين تعلق باحدي صور- الناجح ان شاء الله تعالي - واسقطها فثارت الاهالي ولكن الحكمة والعقل هبة من الله حرمها من مرشح المعدمين وزادها في - الناجح ان شاء الله تعالي  - والذي سيطر علي اهله واهل بلده (الراضية )وترك المعدمين يخرجون بسلام حتي لا يهانوا في فرحه وكل لبيب بالإشارة يفهم ( الا ابن المعدمين ) لا اشارة ولا صراحة وموعدنا يا ابن المعدمين 28/11/2010 والصندوق بيننا !!!!!!!
 ابن المعدمين الصغيور فرحان بخواله 

اصله عشمان ينجح طب ازاي ان كانت دعايته منحة من  ...... واهل بلده عايشين علي خير البراشوت  غير .. غير ..  .

**** من حق مش البراشوت منع العيدية عن اللي عنده وخلاها عنده طب ليه ؟؟؟؟؟

بسيطة الفلوس موجوده لو نجح يوزعها حلاوة النجاح ............. ولو سقطت وده مؤكد يعوض مصاريفه ؟؟؟؟

يعني جزء يخصم من الضرائب وجزء من الفلوس العيدية

يعني بدون اي اعباء او خسائر ( من دقنه وافتله ) معلش اصل انا فلاح من كفر سعد

هل تعلم اخر الاشاعات عن المرشحين ؟؟؟

سرت عدة اشاعات منها
ان احد المرشحين (عضو ) اعتدي علي مسيرته الانتخابية في بلد جيرانه !!!
وان احد المرشحين من الرمل ( عضو ) اعتدي علي مسيرته قي البطيخ ؟؟؟
وان احد المرشحين من ابناء ناصر اعتدي عليه في بلد اتباع البراشوت ؟؟
وان احد المرشحين وصلت اخباره لجريدة الوفد العدد 7384 يوم 26/10/2010 تحت عنوان
محضر نصب ضد مرشح الحزب ****** بكفر سعد
 وكل عام وانتم بخير
وادعو كل من يقراء هذا الموضوع لحفل زفاف شقيقتي غدا الخميس ثالث ايام العيد بمنزل العائلة بقريم ام الرضا القديمة
ونجليكم في المسرات

يعني ايه عضو مجلس الشعب ؟

عضو مجلس الشعب :- هو الشخص المنتخب من الشعب بطريقة ديمقراطية ليمثل الشعب ويؤدي الوظائف التي قررها له الدستور والقانون .

ومنها الرقابة علي الجهات التنفيذية (( شرطة _ بنك التنمية والائتمان _ المجالس والوحدات المحلية _ الطرق _ الوحدة الصحية _ اي جهة بها موظفين حكومة " من فلوس الشعب ))

ومن وظائفه ايضا المحاسبة (( يعني ممكن توصل المحاسبة لتحويل الاوراق للجان تحقيق او طلب استجواب وزير او مسؤل او مجرد سؤال 

وقمت المحاسبة (( طلب سحب الثقة من الوزارة ))

واخيرا :- التشريع الصحيح واضفت كلمة الصحيح لانني اري ان معظم تشريعات مصر وخاصة الدورة الماضية ما هي الا مسكنات لامراض المجتمع والاقتصاد في البلد .

مثلا قانون المرور والغرامات التي تصل الي الف جنيه ( ولا يوجد طريق واحد يصلح للمواصفات المحددة في القانون او المواصفات الدولية !!!! اعتقد وده رايي انا 

وايضا قانون البناء الموحد اكثر من اربع جرائم لمن يبني مخالف وسلطات شبه مطلقة للمحافين ومهندس التنظيم .... الخ ولكن الواقع ان من يبني ويعرف السكة لا يزال له اما من يبني ولا يعرف السكة تزال مبانيه .
اليس من الافضل التحول لنظام الغرامة .

انا هبني يعني هبني ولا اطرد ولادي في محافظة تانية ؟؟؟؟

وبعدين الازالة خسارة للكل ؟؟ اقصد ان خسارة الفرد لجزء من فلوسه يعني خسارة لفلوس البلد ولا البلد مش مهم عندها الفرد ؟؟

وبعدين ازاي يكون عقوبة الحبس لواحد يبني ويعمر مش منطق ابدا !!!!!!

ومعلش لو واحد دخل في عكس اتجاه لاي ظرف ( طريق وحش او جاهل الطريق مثلا ) يقبض عليه ويعرض علي النيابة ولما احفاده يسالوا جدو فين نقولهم ايه جدو في السجن ؟؟؟؟؟؟ طبيعي الطفل هيحلم يدخل السجن زي جدو زي قدوته ؟؟؟؟؟؟؟؟؟؟؟

اه اه اه اه اه اه اه اه 

معلش نكمل بعدين سلام لو كان فيه بعدين !؟

افتكروني لو اخدوني 

تعالوا نتعلم النقد البناء مثلا طريق ام الرضا ( من قرية المطار الي البترول )

الم يكن من المفترض انتهاز الفرصة واصرار العضو المحترم علي ان يتم رصف الطريق كاملا من كفر البطيخ وحتي جمصة
معلش طالما البترول عايز يرصف يبقي يستفيد اهل المنطقة

ده رايي صح ولا ايه

الرؤية الشاملة والحلول الكاملة برنامج ممكن تنفيذة مؤكد

البرنامج الانتخابي 

للأستاذ / معتز زغلول الشحات بدوي غزي 

وعلي بركة الله

دائرة كفر سعد فئات مستقل 

الرؤية الشاملة........والحلول الكاملة         برنامج ممكن ........تنفيذه مؤكد

تهنئة لكل الحاضرين واتمنى من الله عز وجل ان اكون عند حسن ظنكم في .

ابدأ بنفسك

أنا  / معتز زغلول الشحات بدوي غزي من قرية أم الرضا القديمة وجذور عائلتي بكفر سعد البلد ومكتبي وإقامتي الحالية بالسنانية دائرة كفر سعد الانتخابية ومن عملي كمحامي لمست واقع الحياة لمعظم أهالي كفر سعد فلاحين وعمال ومثقفين ونجارين وتجار ورأيت ما جعلني أفكر لماذا هذا الوضع .  ولم ارضي بذلك الواقع فلسنا متسولين من احد فلان بياكل وفلان بيتبرع وفلان جالي الفرح والنتيجة الوضع الحالي .

بدل التبرع حاسب الميزانية ولو قليلة حاسب المسئول من سلطة مجلس الشعب ( رقابة ،محاسبة ، تشريع صحيح )وسالت نفسي  ممكن نغير للأفضل ؟ فقلت لنفسي بلاش يأس وابدأ بنفسك واعرض لكم  جزء بسيط من برنامجي الانتخابي وسوف يتحقق إن شاء الله  

( صوتك شرفك مش للبيع)

من أجل تعليم أفضل ومدارس أفضل.

الواقع يظهر أن هناك العديد من المدارس يحتويها مبنى واحد غير قادر على استيعاب مدرسة واحدة فقط منهم فماذا لو أصبحت ثلاثة كما هو الحال بمدرسة شطا العزبى الابتدائية بالسنانية على سبيل المثال لا الحصر.

من أجل التخفيف عن المواطن ومساعدته.

-      سيتم بمشيئة الله تسهيل التعامل مع كل الجهات الرسمية أيا كانت القانون علينا بس برده عليهم !!

-      تخصيص قناة لإذاعة مناقشات المجلس وأيضا مناقشات لجان المجلس لنعرف ما يحدث مثل معظم دول العالم .

-      تشكيل لجنة بكل قرية ومنطقة من أبنائها لعمل خطط مقترحة لتطوير القرية وتحسين المعيشة وإزالة العقبات.

من أجل صحة أفضل وخدمات تحفظ للإنسان كرامته.

هل تعلم أن العلاج على نفقة الدولة هو حق لكل مواطن يكفله لك الدستور والقانون وليس أداة فى يد النائب يهبها لمن يشاء ويمنعها عن من يشاء، بل يكمن دور نائب مجلس الشعب فى الرقابة والمحاسبية والتأكد من أن الخدمات تصل إلى مستحقيها سواء طرق،تعليم الخ.

من أجل محاربة الفساد والمفسدين.

قال تعالى: "إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ" _{سورة الرعد . الآية (11)}

من أجل مستقبل أفضل لنا ولأولادنا .

      خير بلدنا لازم يكون لولدنا ( مدن عمرانية جديدة – بترول – ميناء - ..... وغيرها)

              تسهيل تراخيص البناء والعمل علي منع ووقف هدم ما تم بناؤه وتوفيق الاوضاع قانونا .

مجلس الشعب يعنى( رقابة– محاسبة – تشريع صحيح )